(579) SOUS LE RÈGNE DE CHARLES VI. 339

bien et honnorablement, en tele maniere que le corps de mon tres chier et tres amé filz soit rapporté de là où il est, avecques le mien, et que nous ayons nos deux tumbes eslevées et assises sur une pierre l'un emprès l'autre. Et aussi vueil que le corps de ma tres chiere et tres ainée fille, jadiz femme de mon tres chier et tres amé filz, soit rapporté en la dicte chappelle, et qu'elle ait semblablement tumbe eslevée. Et vueil et ordonne quej'aye ung drap noir à une croix blanche parmi, et xhi povres vestuz de noir qui tendront chascun une torche, pesant chascune vint et cinq livres.

Item, je supplie à mes diz executeurs de envoier tantost après mon decès par tous les lieux principaulx où j'aurai faicte demourance, et qu'ilz facent crier et publier par tous les lieux dessus diz, que s'il y a aucune personne à qui je soye tenue pour quelque cause que ce soit et dont satisfaction soit encores à faire, qu'ilz se trayent par devers yceulx commis, lesquelz se informeront de ce par tesmoins ou autrement deuement; et selon ce que par la dicte informacion ilz trouveront, je leur supplie qu'ilz facent satisfaction aus dictes bonnes gens, selon ce qu'ilz verront qu'il sera à faire de raison, et de ce je les charge en leurs consciences.

Item, je vueil et ordonne deux mil messes estre dictes tantost après mon decès, au plus brief que bonnement se pourra faire, pour le remede et salut de mon ame, et que le tiers des dictes messes soit du saint Esperit, l'autre tiers de Nostre Dame et l'autre tiers des Trespassez.

Item, je vueil et ordonne une donnée estre faicte à tous venans de la somme de huit deniers Parisis à chascun le jour de mon obseque.

Item, je vueil et ordonne une chapelle estre fondée en la dicte eglise parrochial et prieuré de Saint Didier au dit Bruieres, de cent livres Parisis de rente annuelle et perpetuelle, amorties et assignées es chastelleries de Mont Lehery et du dit Bruieres, par tele condicion que deux religieux de l'abbaye de Saint Florent, de laquele abbaye la dicte eglise parrochial et prieuré de Saint Didier dépend, seront tenus de dire ou faire dire chascun jour perpetuelment, c'est assavoir, le dy-

43.



	(579) SOUS LE RÈGNE DE CHARLES VI. 339 bien et honnorablement, en tele maniere que le corps de mon tres chier et tres amé filz soit rapporté de là où il est, avecques le mien, et que nous ayons nos deux tumbes eslevées et assises sur une pierre l'un emprès l'autre. Et aussi vueil que le corps de ma tres chiere et tres ainée fille, jadiz femme de mon tres chier et tres amé filz, soit rapporté en la dicte chappelle, et qu'elle ait semblablement tumbe eslevée. Et vueil et ordonne quej'aye ung drap noir à une croix blanche parmi, et xhi povres vestuz de noir qui tendront chascun une torche, pesant chascune vint et cinq livres. Item, je supplie à mes diz executeurs de envoier tantost après mon decès par tous les lieux principaulx où j'aurai faicte demourance, et qu'ilz facent crier et publier par tous les lieux dessus diz, que s'il y a aucune personne à qui je soye tenue pour quelque cause que ce soit et dont satisfaction soit encores à faire, qu'ilz se trayent par devers yceulx commis, lesquelz se informeront de ce par tesmoins ou autrement deuement; et selon ce que par la dicte informacion ilz trouveront, je leur supplie qu'ilz facent satisfaction aus dictes bonnes gens, selon ce qu'ilz verront qu'il sera à faire de raison, et de ce je les charge en leurs consciences. Item, je vueil et ordonne deux mil messes estre dictes tantost après mon decès, au plus brief que bonnement se pourra faire, pour le remede et salut de mon ame, et que le tiers des dictes messes soit du saint Esperit, l'autre tiers de Nostre Dame et l'autre tiers des Trespassez. Item, je vueil et ordonne une donnée estre faicte à tous venans de la somme de huit deniers Parisis à chascun le jour de mon obseque. Item, je vueil et ordonne une chapelle estre fondée en la dicte eglise parrochial et prieuré de Saint Didier au dit Bruieres, de cent livres Parisis de rente annuelle et perpetuelle, amorties et assignées es chastelleries de Mont Lehery et du dit Bruieres, par tele condicion que deux religieux de l'abbaye de Saint Florent, de laquele abbaye la dicte eglise parrochial et prieuré de Saint Didier dépend, seront tenus de dire ou faire dire chascun jour perpetuelment, c'est assavoir, le dy- 43.